بەروار :2016/11/17 سەردان: 1558

بەخۆڕایی لە زانكۆی گەشەپێدانی مرۆیی بخوێنە


 

بەڕێز سەرۆكی زانكۆی گەشەپێدانی مرۆیی (پ. د. مەریوان ئەحمەد رەشید)، كە ئەمڕۆ ئامادەی چالاكیەكی ناوازەی كۆلێجی كارگێڕی و ئابوری بوو تایبەت بە بەرزراگرتنی رۆژی جیهانی لێبوردەیی، رایگەیاند كە ئەمساڵ لە پڕۆسەی وەرگرتنی خوێندكاران لە زانكۆكەمان، بۆ هەر بەشێكی زانستی كۆلێجەكانی زانكو، دوو كورسی خوێندن بۆ هەر چوار قۆناغی خوێندن وەك (ٍScholarship) بە خۆڕایی و بێ بەرامبەر دەبەخشرێتە ئەو خوێندكارانەی قۆناغی دوازدەی ئامادەیی (زانستی یان وێژەیی) كە تێكڕای نمرەیان لە ٩٠ زیاترە و خوازیارن لە زانكۆی گەشەپێدانی مرۆیی (زانكۆی پلەیەكی كوردستان) بڕوانامەی بەكالۆریۆس بەدەست بهێنن. ئەو بەڕێزانەی مەرجەكانیان تێدایە پێویستە داواكاری پێشكەش بكەن و فۆڕمی وەرگرتن پڕ بكەنەوە تا بچنە كێبڕكێیەكی كراوە. دوواتر لە پڕۆسەیەكی بێ خەوشدا بەرزترین دوو تێكڕای نمرە بۆ هەر بەشێكی زانستی رادەگەیەنرێت. بەم بڕیارە، زانكۆی گەشەپێدانی مرۆیی لانی كەم ٢٠ كورسی خوێندن بە بێ بەرامبەر دەبەخشێتە خوێندكارە نمرە نایابەكان.