بەروار :2017/03/10 سەردان: 706

زانكۆی گەشەپێدانی مرۆیی بەشداری لە پرۆگرامی پەرەپێدانی تواناكان دەكات


دوای نیوەڕۆ رۆژی سێ شەممە 7/3/2016 لە هۆڵی پڕۆفیسۆر د. عەلی قەرەداغی لە كەمپی دووی زانكۆ، بە ئامادەبوونی ژمارەیەكی بەرچاو لە خوێندكارانی زانكۆی گەشەپێدانی مرۆیی بە تایبەت خوێنكارانی قۆناغی سێیەمی كۆلێژەكانی زانكۆ، پرۆگرامی پەرەپێدانی تواناكان خرایە ڕوو.

لەم دیدارەدا كە لە دوو كاتی جیاواز بۆ هەردوو دەوامی زانكۆ خرایە ڕوو، بەڕێز م. بڕوا عثمان مامۆستا لە كۆلێژی زمانی زانكۆی گەشەپێدانی مرۆیی و ڕێکخەری کاروباری زانکۆ بۆ پرۆگرامی (Internship) بە وردی پرۆگرامی پەرەپێدانی تواناکانی حكومەتی هەرێمی كوردستانی بۆ ئامادەبووان رونكردەوەو هەنگاوەكانی بەشداریكردن و مەرجەكانی بەشداربوونی خستە روو، ئەمە جگە لە دەستنیشانكردنی سوودەكانی ئەم پرۆگرامە بۆ خوێندكاران و ئەو ئەرك و بەرپرسیاریەتیانەی لە بەشداریكردنی ئەم پرۆگرامە دەكەوێتە سەر خوێندكاران. ئەمەو سیمینارەكە بە پرسیار و رونكردنەوەی خوێندكاران لەسەر بابەتەكە بە كۆتا گەیشت.